Recommend UsEmail this PageeGazetteAlislam.org
Blog
|
|||||||||||
BBC Urdu service reports that attackers of 28 May deadly attacks on Ahmadiyya Mosques were transferred to Jail.
|
07:51 GMT 12:51 PST آخری وقت اشاعت: پیر 28 جون 2010
احمدیوں پر حملے، ملزمان جیل منتقل
انسداد دہشتگردی کی خصوصی عدالت نے لاہور میں احمدیوں کی عبادت گاہوں پر حملے کرنے کے الزم میں ملوث دو ملزمان کا جسمانی ریمانڈ ختم کرتے ہوئے انہیں جوڈیشل ریمانڈ پر جیل بھیج دیا ہے۔
سوموار کے روز لاہور پولیس نے عبداللہ اور معاذ کو کڑے حفاظتی انتظامات میں عدالت میں پیش کیا اور عدالت سے یہ استدعا کی کہ ان دونوں ملزمان سے تفتیش کرنے کے لیے انہیں مزید چودہ دنوں جسمانی ریمانڈ دیا جائے۔ عدالت نے پولیس کی استدعا کو مسترد کرتے ہوئے دونوں ملزموں کو جیل بھیجنے کا حکم دیا ہے اور یہ ہدایت کی کہ دونوں ملزموں یعنی عبداللہ اور معاذ کو دوبارہ بارہ جولائی کو عدالت میں پیش کیا جائے۔ عدالت نے پولیس کو یہ بھی ہدایت کی کہ عبداللہ اور معاذ کے خلاف مقدمے کا چالان جلد از جلد عدالت میں پیش کیا جائے۔ خیال رہے کہ اٹھائیس مئی کو لاہور کے دو محتلف علاقوں ماڈل ٹاؤن اور گڑھی شاہو کے علاقوں میں احمدیوں کی دو عبادت گاہوں پر حملے کیے گئے تھے۔ عبداللہ کو ماڈل ٹاؤن لاہور میں احمدی عبادت گاہ پر حملے کی جوابی کارروائی کے دوران گرفتار کیا تھا جبکہ معاذ کو شدید زخمی حالت میں حراست میں لیا گیا تھا۔ معاذ زخمی ہونے کی وجہ سے ہسپتال میں زیر علاج بھی رہا اور اس دوران اس کو فرار کروانے کے لیے لاہور کے جناح ہسپتال پر حملہ بھی کیا گیا لیکن حملہ آور کی کوشش ناکام رہی۔ |