پیر 20 ذیقعدہ 1430 ہجری ۹ نومبر 2009

تذکرہ شہداءختم نبوت ساہیوال

حافظ حبیب اللہ چیمہ

ربع صدی قبل برصغیرکی معروف دینی درس گاہ جامعہ رشیدیہ ساہیوال کا سہ روزہ سالانہ جلسہ بانی جامعہ رشیدیہ حضرت مولانا فاضل حبیب اللہ رشیدی رحمتہ اللہ علیہ کی زیرنگرانی جاری تھا اور ملک بھرسے چوٹی کے علماءوصلحاءاوردینی رہنما اس اجتماع میں شرکت فرمارہے تھے کہ 26 اکتوبر 1984ءبروزجمعتہ المبارک نمازفجرسے پہلے قادیانیوں نے مشن چوک ساہیوال کے قریب جامعہ کے استاد مجلس احراراسلام ساہیوال کے صدرقاری بشیراحمدحبیب اور پولی ٹیکنیکل کالج ساہیوال کے طالب علم اور انتہائی صالح نوجوان اظہر رفیق کو شہیدکردیا ۔یہ اطلاع فون کے ذریعے پورے ملک میں پھیل گئی اورضلع ساہیوال کے تمام مقامات خصوصاً ساہیوال اور چیچہ وطنی میں اشتعال پیدا ہوگیا۔کل جماعتی مجلس عمل تحفظ ختم نبوت کے سربراہ اور خانقاہ سراجیہ کے سجادہ نشین حضرت مولانا خواجہ خان محمد مدظلہ العالی اسی روز ساہیوال پہنچ گئے اور ملک بھرسے سرکردہ علماءکرام انفرادی اوقافلوں کی شکل میں جامعہ رشیدیہ پہنچنے لگے، حکومت پنجاب کی طرف سے قومی اخبارات کو ایک فوری حکم نامے کے ذریعے اس اندوہناک سانحہ کی خبریں شائع کرنے سے روک کر قادیانیوں کی اس دہشت گردی کو چھپانے کی کوشش کی گئی سفیرختم نبوت حضرت مولانا منظور احمد چنیوٹی رحمتہ اللہ علیہ کو چنیوٹ سے ساہیوال آتے ہوئے راستے میں گرفتار کر لیا گیا،سیدعطاءالمومن بخاری، مولانا محمدضیاءالقاسمی رحمتہ اللہ علیہ اورکئی دیگر رہنما ساہیوال پہنچے اور صورتحال کو کنٹرول کرنے میں بھی ان حضرات نے اہم کرداراداکیا۔ تحریک ختم نبوت کی مرکزی قیادت اگرچاہتی تو اس روز ضلع بھرمیں لاءاینڈ آرڈرکا مسئلہ پیداکرکے قادیانیوں کا نقصان اورانتظامیہ کے لیئے مشکلات پیداکی جاسکتی تھیں لیکن عبدالمتین چوہدری ایڈووکیٹ نے نہایت حاضردماغی سے اس ساری صورتحال کو قانونی جنگ کی طرف لانے کے لیئے اہم کرداراداکیا اورجامعہ رشیدیہ کے مہتمم حضرت مولانا فاضل حبیب اللہ رشیدی اور حضرت پیرجی عبدالعلیم رائے پوری مرحومین کے معتمد خاص مجاہد ختم نبوت جناب عبداللطیف خالد چیمہ(موجودہ سیکرٹری جنرل مجلس احرار اسلام پاکستان) قادیانیوں کے خلاف مسلمانوں کی طرف سے ایف آئی آر کے مدعی بنے اوربرصغیرکی تاریخ میں پوری ہوش مندی اوربالغ نظری کے ساتھ اس مقدمے کی ایک طویل جنگ لڑی گئی۔ ملٹری کورٹ ملتان نے ملزمان کو سزائیں سنائیں ۔26 اکتوبرکوہی مشن چوک کے قریب قادیانی عبادت گاہ کو 145کی کارروائی کے تحت سیل کردیا گیا جو الحمدللہ اب تک سیل ہے ۔ اس وقت اس سار ے عمل میں جناب قاری منظور احمدطاہر، مولانا عبدالستار ،قاری محمد احمد رشیدی،عبدالرزاق مجاہد، جاویداحمد سوداگر اور دیگر حضرات نے بھی بھرپورکرداراداکیا جبکہ ملتان ملٹری کورٹ میں طویل سماعت کے دوران قائد احرار حضرت مولانا سید عطاءالمحسن بخاری رحمتہ اللہ علیہ ، سیدعطاءالمومن بخاری، عالمی مجلس تحفظ ختم نبوت کے مولانا شریف جالندھری اور مولانا عزیز الرحمان جالندھری، جامعہ خیرالمدارس کے قاری محمدحنیف جالندھری، سید محمدکفیل بخاری اور دور دراز سے متعدد علماءکرام اور دینی کارکن پیشیوں کے موقع پر عدالت کے باہر موجود ہوتے اور ممتاز قانون دان ملک فضل کریم ایڈووکیٹ اورعبدالمتین چوہدری ایڈووکیٹ کی نگرانی میں وکلاءکا پینل دن رات اس مقدمہ میں اپنا کردار اداکرتا رہا سرکاری وکیل رانا فرزندعلی نے بھی اس مقدمہ کو کامیابی تک پہنچانے میں اہم کرداراداکیا اور قادیانیوں کی طرف سے دھونس اور دباؤکو یکسرخاطرمیں نہ لایا گیا۔ اس سانحہ کو گزر ے پچیس برس ہوگئے 26 اکتوبر کی مناسبت سے ساہیوال میں شہداءختم نبوت کے تذکر ے کے حوالے سے کوئی نہ کوئی اجتماع کی شکل بن جاتی ہے ۔ اس دفعہ 26 اکتوبر 2009ءبروز پیربعد نماز عشاءجامع مسجد نورہائی اسٹریٹ ساہیوال میں مولانا عبدالستار اورقاری منظوراحمد طاہرکی زیرسرپرستی اورقاری سعید ابن شہید، قاری عتیق الرحمان اورقاری aبشیر احمدکی زیرنگرانی ”شہداءختم نبوت کانفرنس“ پور ے اہتمام اورجوش وخروش کے ساتھ منعقد ہوئی۔ نامساعد حالات کے باوجود عشاءکی نمازکے بعدجامع مسجد نورمیں منعقدہونے والے اس بھرپور اجتماع سے خطاب کرتے ہوئے مقررین نے اس عزم کا اظہارکیا کہ شہداءختم نبوت کے مشن کو جاری وساری رکھاجائے گا۔ کانفرنس سے مجلس احرار اسلام پاکستان کے سیکرٹری جنرل عبداللطیف خالدچیمہ، ممتازعالم دین مولانا محمدعالم طارق، جمعیت علمائے اسلام پنجاب کے سیکرٹری جنرل مولانا افتخار احمدحقانی، قاری احسان اللہ فاروقی(کراچی)، سید سلمان گیلانی، مولاناشاہد عمران عارفی، مولانا منظوراحمد قاسم نے خطاب کیا جبکہ قاری سعید ابن شہید نے نقابت کے فرائض انجام دیئے۔ کانفرنس میں ایم کیو ایم کے قائد الطاف حسین اورگورنر پنجاب سمیت مقتدرحلقوں کی طرف سے 295 ۔سی پرتنقیدکومستردکیاگیا اور واضح کیاگیاکہ اسلام کے نام پر بننے والے اسلامی جمہوریہ پاکستان کی بقاءواستحکام اسلام کے عادلانہ نظام کے نفاذ میں ہی مضمرہے۔ کانفرنس کی قراردادوں میں مطالبہ کیاگیاکہ بلیک واٹراور اس سے ملتی جلتی تنظیموں اور غیرملکی ایجنسیوں کے پرمٹ منسوخ کیئے جائیں وزیرستان میں امریکی ایماءپر شروع کیئے گئے آپریشن کو بندکرکے مذاکرات کا راستہ اختیارکیاجائے، دینی مدارس کے خلاف پراپیگنڈہ مہم بندکی جائے۔